Lidhjet mes trafikantëve shqiptarë të drogës dhe mafias kalabreze e njohur me emrin “Ndragheta” janë tashmë fakt. Këtë e ka konfirmuar vetë kryeprokurori i Anti-mafias italiane, Federico De Raho në një konferencë me struktura e prokurorive italiane.
“Mafia është kthyer tani në një sipërmarrje me pasuri të pakufijshme që ndikon në ekonominë tonë,” tha kryeprokurori në Venecia.
Në fjalën e tij, u përmendën dhe trafikantët shqiptarë, si pjesë e rëndësishme e organizatave më të mëdha kriminale në Itali.
” Ndrangheta, kontrollon një ekonomi të gjerë përmes trafikut të kokainës që mbërrin me ton nga Amerika jugore dhe hyn në Itali përmes porteve të Livornos, Gioa Taura, Napoli e Salerno, por dhe përmes porteve të Adriatikut në Shqipëri”.
De Raho tha se “Italia gjendet përballë një borgjezie mafioze që merret me shuma parash të pallogaritshme me profesionistë, kontabël e avokatë që shndërrohen në mëndjen e tyre të rafinuar.”
(e.f/BalkanWeb)