Kryetari i Bashkisë së Nju Jorkut, Zohran Mamdani, ka braktisur planin e tij për të rritur taksat e pronës për banorët e Nju Jorkut, një masë që synonte të ulte deficitin, por që nuk ishte popullore.

Vendimi për tërheqje pritet të përfshihet në propozimin e buxhetit për vitin fiskal që fillon më 1 korrik 2026, raporton Bloomberg .

Mamdani kërcënoi të rriste taksat e pronës me gati 10% si një mënyrë për të ushtruar presion mbi Guvernatoren e Nju Jorkut, Kathy Hokul, për më shumë fonde.

Megjithatë, shumë anëtarë të Këshillit Bashkiak, përfshirë Kryetaren e Këshillit Bashkiak, Julie Menin, kishin shprehur kundërshtimin e tyre ndaj planit . Këshilli do të duhej të miratonte çdo rritje.

Sidoqoftë, projektbuxheti ngriti shqetësime midis agjencive të vlerësimit të kreditit , të cilat e ndryshuan perspektivën e tyre për qytetin në negative, duke përmendur deficitet strukturore afatgjata të qytetit. Kryetari i bashkisë kishte propozuar gjithashtu shfrytëzimin e gati 1 miliard dollarëve nga rezervat e qytetit, të cilat janë lënë mënjanë për t’u përdorur në kohë katastrofash fiskale, për të ndihmuar në mbulimin e deficitit.

Mamdani ka paralajmëruar prej kohësh për situatën financiare të qytetit dhe ka bërë thirrje për taksa më të larta mbi të pasurit dhe korporatat për të forcuar buxhetin e Nju Jorkut , një nga masat e pakta që ai mund të marrë pa miratimin e Shtetit të Nju Jorkut .