Rosalia dhe Rauw Alejandro u ndanë, siç u bë e njohur në fund të korrikut. Çifti, i cili shpalli fejesën e tyre në mars, kanë marrë rrugë të ndara pas më shumë se tre vitesh së bashku, sipas revistës PEOPLE.
Burimet thanë se pavarësisht dashurisë dhe respektit për njëri-tjetrin, të dy ranë dakord t’i japin fund fejesës.
Rosalia dhe Alejandro, të cilët janë të dy 30 vjeç, u lidhën për herë të parë në mënyrë romantike në gusht 2021 dhe e bënë publike romancën e tyre muajin e ardhshëm në mediat sociale.
Raportet e huaja folën për pabesi nga ana e Rauw Alejandro, që në momentin e parë të lajmit për ndarjen. Edhe pse Alejandro lëshoi një deklaratë pak pasi u njoftua për ndarjen duke mohuar akuzat për tradhti, akuzat ndaj tij vazhdojnë të qarkullojnë.
Gruaja e dyshuar, e cila ishte shkaku i ndarjes është Zaira de la Morena, sipas një raportimi të Marca. Amor Romeira u shfaq së fundmi në emisionin spanjoll “Fiesta de Verano” dhe pretendoi se kishte prova për pabesinë e portorikanit.
Emri i përmendur ishte influencuesja Zaira de la Morena, një vajzë 23-vjeçare nga Valencia e cila ka më shumë se 124,000 ndjekës në Instagram.
Sipas vetë Romeira, Morena ka prova që e inkriminojnë Alejandron dhe e bëjnë të qartë tradhtinë e tij.
“Unë marr përgjegjësinë për këtë informacion sepse i kam parë të gjitha provat dhe nëse do të isha në vendin e Rosalias do të më lëndonte shumë. Unë nuk hyj vetë në dhomën e zhveshjes me një këngëtar”, tha Romeira.
Gjithashtu Morena do të marrë pjesë në koncertin e këngëtarit në Valencia më 26 gusht.
Kush është Zaira de la Morena?
Morena është një influencuese dhe këngëtare 23-vjeçare nga Valencia. Ajo mori pjesë në shfaqjen Telecinco “Mujeres y hombres y viceversa” dhe në reality show Netflix “Jugando con fuego: Latino”, versioni spanjoll i “Too Hot to Handle”.
Megjithatë, Romeira pretendon se vetë Rauw Alejandro i kërkoi stafit të tij të kontaktonte Morenën për ta ftuar atë dhe miqtë e saj në një nga koncertet e tij.
