Orlando Rakipi do të vijojë të jetë deputet I grupit parlamentar socialist. Kjo pasi grupi I PS-së I mbledhur sot vendosi të mos e largojë atë, pavarësisht vendimit të Departamentit të Thesarit të Shteteve të Bashkuara të Amerikës që I vendosën sanksione babait të tij, Aqif Rakipi.
Burime për BalkanWeb mësojnë se deputeti i ri në moshë, Rakipi nuk u përjashtua nga grupi, madje ai dorëzoi edhe zarfin me 3 emrat që propozonte për president.
Kreu i grupit të PS-së, Taulant Balla gjatë fjalës së tij para deputeteve dhe në prani të kryeministrit Edi Rama tha se e respektojnë vendimet e SHBA.
“Nëse ka diçka që ne si familje politike dallohemi nga te tjerët eshte se kurre nuk kemi përdorur standarde te dyfishta. Qëndrimi yne eshte i njëjtë gjithmonë dhe ne i respektojmë vendimet e Shtetet e Bashkuara, aleatit tonë strategjik.”, mësohet të jetë shprehur Balla.
Kujtojmë se Ornaldo Rakipi në një prononcim për mediat tha se ishte i gatshëm që të linte mandatin e tij të deputetit, ndërsa këmbëngul për pastërti të figurës së babait të tij.
ORLANDO RAKIPI: BABAI IM SUPER I PASTËR, S’KA REKORDE KRIMINALE
“Jam dhe me emocione. Kemi lindur ne demokraci, jam pro amerikan dhe babai im po ashtu. Se di ca është ai lloj vendimi. S’na ka ndodhur kurrë ajo gjë. Babai im është super i pastër. Mund ta shihni s’ka asnjë rekord kriminal dhe se çfarë flitet. S’kemi lidhje me atë pjesë, që na thonë kriminel. Ne jemi të pastër, babai im është i pastër. ka ikur nga politika për diçka. Jam i hapur të bëjë gjithçka.”, tha ai.
ARSYETIMI I SHBA PER SANKSIONET
Në arsyetimin e tij Departamenti i Thesarit ka zbuluar arsyet se pse është marrë ky vendim, ndërsa shigjeton me akuza Rakipin.
“Aqif Rakipi (Rakipi) është një ish-deputet famëkeq nga Elbasani, Shqipëri, i cili ka ndikim të dëmshëm dhe destabilizues në proceset politike në Shqipëri. Grupe të shumta të krimit të organizuar (GKO) në Shqipëri kanë ofruar para, dhurata ose premtime për vende pune apo lëshime në këmbim të votave për partinë e tyre të preferuar politike. Rakipi ka qenë prej kohësh i përfshirë në krimin e organizuar dhe është i lidhur ngushtë me një Grup Krimi të Organizuar, brenda të cilit ai ka ushtruar ndikim politik, përfshirë edhe përmes korrupsionit. Për shembull, Rakipi ka përdorur ndikimin e tij politik për të emëruar miqtë e tij në pozicione kyçe publike në Elbasan dhe Tiranë. Rakipi humbi mandatin e tij si deputet i parlamentit të Shqipërisë pasi prokurorët konfirmuan rolin e tij në veprimtari kriminale nën një pseudonim. Ai përcaktohet në bazë të E.O. 14033 sepse ka qenë përgjegjës ose bashkëpunëtor në ose për përfshirje të drejtpërdrejtë ose të tërthortë në korrupsion lidhur me Ballkanin Perëndimor, përfshi korrupsionin nga, në emër të, ose të lidhur me një qeveri në Ballkanin Perëndimor, apo një zyrtar aktual ose të kaluar qeverie, në çfarëdo niveli të qeverisjes në Ballkanin Perëndimor, siç është përvetësimi i pronave publike, shpronësimi i pronave private për përfitime personale ose qëllime politike, apo ryshfete”, thuhet ne raport.
(BalkanWeb)
