SHIJAK
Një ngjarje e rëndë ka ndodhur mëngjesin e sotëm në Shijak. Mësohet se një burrë është lyer me benzinë dhe i ka vënë flakën vetes. Gazetarja Klodjana Haxhiaj raportoi për “BalkanWeb” se ngjarja ka ndodhur rreth orës 9:00 në Shijak ku një 67-vjeçar i ka vënë flakën vetes në rrethana të rënduara psikologjike. Familjarët nuk mundën ta ndalonin.
Ai është transportuar në spital në gjendje të rëndë, ndërsa Policia ka shkuar në vendin e ngjarjes dhe ka nisur hetimet. Mësohet se 67-vjeçari ishte banor i lagjes “Kodër” në Shijak. Sipas familjarëve vuante nga depresioni prej disa kohësh.
(m.k/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
