TIRANE

Vala e shkarkimeve e nisur me riformatimin e kabinetit qeverisës në fund të vitit që shkoi duket se ka shkaktuar një efekt zinxhir edhe në disa institucione të tjera shtetërore.
“BalkanWeb” mëson se janë liruar sot nga detyra dy drejtuese të larta, Drejtoresha e Doganave Belinda Ikonomi dhe Drejtoresha e Tatimeve, Vasilika Vjerro.

“BalkanWeb” mëson se zëvendësuesi i Ikonomit te Doganat do të jetë Arlind Gjokutaj, më herët Drejtor i Pastrimit të Parave, ndërsa Vjerro do të zëvendësohet nga Enton Duro, drejtor në ministrinë e Financave.

Mësohet gjithashtu se zonja Ikonomi pas largimit nga Doganat do të marrë postin e zëvendës ministres se Ekonomisë. Ndërkohë që nuk dihet posti që do të mbajë Vasilika Vjerro në të ardhmen. Deri më tani nuk dihen as arsyet e largimit të dy zonjave nga detyra.

(m.a/BalkanWeb)