Kukësi nuk gjen paqe, me drejtuesit e klubit që vendosin të ndryshojnë edhe një herë timonier. Këtë herë, pas humbjes kundër Dinamos, drejtuesit e klubit verilindorë pranuan dorëheqjen e Stavri Nicës, me këtë të fundit që lë ekipin në vendin e nëntë në kuotën e 19 pikëve. Kukësi nuk ka humbur kohë dhe këtë të mërkurë prezantuan trajnerin e ri, Emiljano Çelën.
Me anë të një njoftimi për mediat, klubi i Kukësit zyrtarizoi afrimin e Çelës, i cili së bashku me asistentin e tij Alfred Allamani ka nisur menjëherë punën për të përgatitur ekipin për sfidën e radhës, atë kundër Tiranës. Çela këtë sezon ishte pjesë e Flamurtarit ndërsa rikthehet sërish të drejtojë në elitën e futbollit shqiptar. Çela është trajneri i tretë i Kukësit këtë sezon pasi fillimisht e nisën me Hallaçin ndërsa vendin e tij më pas e mori Stavri Nica.
Si kurrë më parë, Kukësi këtë sezon rrezikon realisht shumë mbijetesën, teksa renditen në vendin e parafundit, por zona “play out” është vetëm tre pikë larg.
(BalkanWeb)
