Komisioni i Ligjeve miratoi sot mekanizmin zhbllokues për betimin e gjyqtarëve dhe prokurorëve tek Presidenti dhe nënkrytetari i LSI ka reaguar ashpër për këtë akt.
Vasili thotë se Rilindja po propozon zëvendësimin e betimit kushtetues tek Presidenti me betimin tek Posta e Lagjes duke ironizuar.
Nëkryetari i LSI thotë se me këtë akt anëtari i Gjykatës Kushtetuese vetë betohet, po vetë bën letrën e betimit, po vëte e çon në postë dhe sërish po vetë rrëmben zyrën.
Kjo ndodh në rastet kur Presidenti i Republikës nuk thërret për betim magjistratin përkatës. Shembulli më i afërt është rasti i Arta Vorpsit i cili nuk u thirr nga Presidenti për betim por u betua tek noteri po atë ditë. Ndërkohë këtu filloi përplasja mazhorancë- Presidencë për Kushtetuesen, pasi e para pretendonte se Vorpsi ishte automatikisht gjyqtare në GJK, kurse Meta dekretoi nga ana tjetër Marsida Xhaferllarin e cila dhe u betua tek Presidenti.
STATUSI I PETRIT VASILIT
Betimi i Gjykatesve Kushtetues si Self Servis nga Lana tek Posta e Lagjes!
Pasi konsumoi nje banalitet te padegjuar me betimin Self Servis imagjinar te Buza e Lanes te Arta Vorpsit, tani Rilindja sot po kerkon te shkruaje nje tjeter faqe idiote ne historine e saj.
Sot po kerkon te zevendesoje Betimin Kushtetues te Presidenti te anetareve te Gjykates Kushtetuese me betimin te Posta e Lagjes.
Rilindja propozon betimin serish si Self Servis(vetesherbim), ku anetari i Gjykates Kushtetuese vete betohet, po vete ben letren e betimit, po vete e çon ne poste dhe serish po vete rremben zyren.
Trajektorja e trurit te vockel te Rilindjes se Edi Rames kaq eshte….. nga Lana te Posta e Lagjes, me shume s’i kerkojme dot
Lexojeni nenin e propozuar dhe qeshni…
Neni 1
Në nenin 8, paragrafi 1, shtohet fjalia e dytë me këtë përmbajtje:
“Presidenti i Republikës organizon ceremoninë e betimit jo më vonë se 10 ditë nga data e zgjedhjes, emërimit ose shpalljes të emëruar të anëtarit të Gjykatës Kushtetutese. Nëse anëtari i Gjykatës Kushtetuese nuk thirret për të bërë betimin, pas përfundimit të këtij afati, ai kryen betimin në formë të shkruar dhe ia dërgon atë Presidentit të Republikës, organit të emërtesës dhe Gjykatës Kushtetuese. Data e organizimit të ceremonisë së betimit ose data e dërgimit të betimit me shkrim, konsiderohet si dita e betimit dhe e fillimit të detyrës së gjyqtarit të Gjykatës Kushtetuese
(BalkanWeb)
