Policia ka hedhur gaz lotsjellës tek sheshi ”Skënderbej”. Disa protestues tentuan t’i afrohen pemës së Vitit të Ri në shesh e cila është rrethuar me gardh metalik.
Disa protestues tentuan të heqin gardhin, por menjëherë pati gaz lotsjellës të hedhur dhe turma u shpërnda për t’u zhvendosur.
Madje Policia ka nisur edhe në sheshin ”Skënderbej” shoqërimet e disa të rinjve që nuk iu bindën urdhërit për t’u shpërndarë.
Gazetarja Dorjana Bezat raporton se në momentet e tensionit në sheshin ”Skënderbej” pati edhe goditje me sende të forta ndaj policëve teksa këta të fundit mundësuan që me gaz lotsjellës të shpërndajnë protestuesit e fundit të mbetur, që shënoi dhe fundin e protestës së 5-të në Tiranë për Klodian Rashën.
(BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
