Kreu i grupit mercenar rus “Wagner”, Yevgeny Prigozhin ka sulmuar sërish Ministrinë e Mbrojtjes së Rusisë, duke akuzuar zyrtarët e Kremlinit se kanë penguar qëllimisht luftëtarët e tij të pushtojnë Bakhmutin, nga xhelozia për sukseset e tij ushtarake.

I njohur ndryshe si ‘kuzhinieri i Putinit’, Prigozhin tha se autoritete po zgjedhin t’i privojnë Wagner-it municionet, gjë që ka ngadalësuar përparimin në betejën për të pushtuar Bakhmutin.

“Objekti është i thjeshtë. PMC Wagner nuk duhet të marrë Bakhmutin. Veprimet tona sot sigurisht që shkaktojnë zili. Pra, sepse ne kemi suksese, ndërsa në vende të tjera sukseset nuk janë ato që do të donin të ishin. Kujtoni atë që tha Lenin: të gjithë menduam se të gjithë duhej të jetonim mirë, por në vend të kësaj, ata ia dolën kështu. Se të gjithë jetonin njësoj, por keq”, tha Prigozhin, duke iu referuar xhelozisë midis strukturave ushtarake të Rusisë.

Më tej tha se e gjithë Rusia e mbështeti Wagnerin pas rënies së Soledar-it një qytet minierash kripe, pavarësisht deklaratave për të kundërtën nga Ministria e Mbrojtjes ruse.

(BalkanWeb)