Një aksident ka ndodhur vetëm pak minuta më parë në Korçë, në afërsi të gjykatës.

Sipas informacioneve paraprake, mësohet se një mjet ka përplasur një këmbësore.

Kjo e fundit është transportuar në spitalin rajonal të Korçës, ku bëjnë me dije se është jashtë rrezikut për jetën.

Ndërkohë policia ndodhet në vendngjarje dhe po punon për zbardhjen e rrethanave mbi shkaqet e aksidentit.

Korçë/Informacion paraprak

Rreth orës 09:00, në lagjen nr.4, Korçë, automjeti me drejtues shtetasin R. P. ka përplasur shtetasen F. L., rreth 79 vjeçe, banuese në Korçë, këmbësore.

E aksidentuara po mer ndihmën mjekësore në spital, në gjendje jashtë rezikut për jetën.

Drejtuesi i automjetit është shoqëruar në Komisariat, për veprime të mëtejshme.

Grupi hetimor po punon për të përcaktuar rrethanat e aksidentit.

(Balkanweb)