Legjenda argjentinase e futbollit, Diego Maradona, ka dalë në mbrojtje të Lionel Messit, pasi superylli i Barcelonës e humbi penalltinë në ndeshjen kundër Islandës.
Në barazimin (1-1) e dy përfaqësueseve që bëjnë pjesë në Grupin D, lojtari kryesor i Albicelestëve e pati shansin ta shënonte golin e epërsisë, mirëpo portieri kundërshtar, Hannes Halldorsson, ia doli ta priste.
Sidoqoftë, Maradona ka thënë se edhe lojtarët më të mirë gabojnë nga pika e bardhë, ndërsa si shembull ka marrë veten.
Cristiano Ronaldo scores a penalty against David De Gea the best goalkeeper in the world.
Lionel Messi misses a penalty from 12 yards against a 34-year-old film director. #Iceland #ARGvICE #WorldCup2018 pic.twitter.com/zier1ujwMC
— Neo (@WakeUpNeo__) June 16, 2018
“Kam humbur pesë penallti radhazi dhe sërish kam qenë Diego Armando Maradona”, është shprehur fituesi i Kupës së Botës për Telesur.
“Ndeshja dhe dy pikët e humbura nga skuadra nuk janë pasojë e penalltisë së tij. Ai e tregoi fytyrën e tij duke dhënë gjithçka që kishte. Ai e kreu punën e tij”.
“Kur e shihja në fushë, ishte shumë i nevrikosur. Ashtu si do të isha edhe unë. Ishte gjithmonë ai, vazhdimisht duhej të shmangte dy lojtarë dhe kur e bënte këtë, askush nuk ishte i hapur”, ka shtuar Maradona, raporton tg.
Legjenda e futbollit ka thënë se Argjentina do t’i ndryshojë gjërat në ndeshjet e ardhshme.
