Një skandal ka ndodhur në klubin e Ajax. Marc Overmars ka lënë detyrën e tij si drejtor i futbollit të Ajax-it pasi pranoi se u dërgoi mesazhe të papërshtatshme kolegeve femra në klub. Overmars tha:
“Më vjen turp. Javën e kaluar u përballa me raporte për sjelljen time. Dhe si u ka ardhur kjo tek të tjerët. Fatkeqësisht, nuk e kuptova që po e kaloja kufirin me këtë, por kjo m’u bë e qartë ditëve të fundit…
Papritmas ndjeva një presion të madh, kërkoj falje, sigurisht për dikë në pozicionin tim, kjo sjellje është e papranueshme. Tani e shoh edhe këtë gabim. Por është tepër vonë. Nuk shoh asnjë mundësi tjetër përveç largimit nga Ajax. Kjo gjithashtu ka një ndikim të madh në situatën time private. Prandaj u kërkoj të gjithëve të më lënë mua dhe familjen time vetëm”
Klubi ka dhënë njoftim për shtyp: “Overmars e mori këtë vendim pas diskutimeve të ditëve të fundit – një sërë mesazhesh të papërshtatshme dërguar disa kolegeve femra për një periudhë të gjatë kohore qëndron në themel të vendimit të tij për t’u larguar nga klubi.”
(BalkanWeb)