TIRANË
Gazetarja Klodiana Lala, zbardh për ‘BalkanWeb’ dëshminë e një efektivi policie në komisariatin e Rinasit, Astrit Kurti. Në dosjen e hetuesve thuhet se personi i parë që mori dijeni për situatën e bllokuar në aeroport ishte Astrit Kurti me detyrë isnpektor i vendqëndrimit të avionëve.
Para hetuesve ai ka treguar se si rrodhën ngjarjet në aeroport haps pas hapi, deri në kthimin e avionit të parë me 68 pasagjerë të linjës Athinë-Tiranë.
Kurti ka sqaruar se më datë 7 prill në aeroportin e Rinasit kanë qenë të planizuara për të udhëtuar nga Rinasi në drejtim të vendeve të tjera 13 linja ajrore me pasagjerë. Nga këto 13 linja, janë nisur të fluturim 5 linja ajrore dhe tetë linjat e tjera janë pezulluar nga ana e Albcontrollit dhe gjithashtu edhe linja ajrore Aegean me intinerat Athinë-Rinas është nisur nga Athina për në Tiranë dhe është kthyer sërish mbrapsht për në Athinë pa u ulur dot në aeroportin e Rinasit për shkak se i është anuluar ulja nga ana e Albcontrollit.
Bazur në raportin e Shërbimit të përpiluar nga punonjësi i policisë, Inspektor Astrit Kurti, i cili ka qenë i planëzuar me shërbim në VQA ( vendqëndrimin e avionëve) ka rezultuar se rreth orës 08:30 ka shkuar te zyra e load kontroll ku merret informacion mbi linjat ajrore dhe është informuar se linja ajrore nga Athina për në Tiranë është nisur dhe se ulej në Rinas në 09:25. Kurti ka shpjeguar në raportin e shërbimit se rreth orës 09:30 ka dalë nga vendqëndrimin e avionëve për të pritur linjën ajrore që vinte nga Athina për në Tiranë dhe aty në pistë ka konstatuar avionin e linjës Air Albania për në Stamboll dhe se marshalli i ka thënë se janë në grevë punonjësit e Albcontrollit dhe se janë në pritje të një konfirmimi.
Kurti shpjegon më tej se në shërbimin e Load Kontrollit është njoftuar aty nga punonjësit se avioni i linjës ajrore që vinte nga Athina për në Rinas, është kthyer mbrapsht për në Athinë me 68 pasagjerë në bord. Kurti shpjegon më tej në raportin e shërbimit se rreth orës 10:10 është nisur avioni i Air Albanias për në Stamboll, ( pra është nisur me 50 minuta vonesë ) dhe se gjithashtu rreth orës 10:35 është ulur avioni i linjës ajore Wizz Air nga Milano për në Rinas.
Kurti shpjegon më tej në raportin e shërbimit se rreth orës 11:00 ka shkuar te zyrat e load kontrollit për të marrë informacion për avionin që vinte nga Athina për në Tiranë dhe se aty i kanë konfirmuar punonjësit se nuk ka më fluturime, dhe se pasagjerët që kishin bërë cekinin do ktheheshin dhe nuk do fluturonin për shkak të pezullimit të fluturimeve.
(BalkanWeb)
