Ish-trajneri dhe trajneri i Manchester United, Sir Alex Ferguson e Jose Mourinho, befasuan Arsene Wengerin para duelit të sotëm në mes të Manchester Unitedit e Arsenalit.
United e Arsenal u ndeshën në “Old Trafford” në kuadër të Premierligës, përballje kjo e fundit e rivalitetit Mourinho – Wenger.
Para ndeshjes, Mourinho e Ferguson i dhanë një mirënjohje Wengerit, derisa tani është zbuluar se çfarë shkruhej në dhuratën që mori francezi.
“Prezantuar Arsene Wengerit nga Sir Alex Ferguson dhe Jose Mourinho, në emër të Manchester United, në njohje të shërbimit dhe arritjeve të tija te Arsenali, 1996-2018”, shkruhej në dhuratën dhënë Wengerit.
Trajneri francez javën e kaluar bëri të ditur se këtë edicion do të largohet nga Arsenali, pas 22 viteve të kaluara te klubi londinez.
(BalkanWeb)
