Këngëtarja Shakira dhe aktorja Penelope Cruz janë takuar sërish në Madrid, ku aktorja ishte e pranishme në një nga koncertet e turneut të këngëtares, “Las mujeres ya no lloran”. Takimi i tyre u shoqërua me një përqafim të ngrohtë, ndërsa momenti mes dy yjeve u shpërnda në rrjetet sociale.

Shakira dhe Penelope Cruz i lidh një miqësi shumëvjeçare, e dokumentuar edhe përmes fotografive të përbashkëta që prej vitit 2007. Takimi në Madrid dëshmoi edhe një herë afërsinë mes tyre dhe gëzimin për t’u ritakuar pas një kohe.

Penelope Cruz nuk ishte e vetme në koncert. Ajo shoqërohej nga motra e saj, Monica Cruz, aktori Miguel Ángel Muñoz dhe stilistja Agatha Ruiz de la Prada. Për Shakirën, mbrëmja ishte e veçantë jo vetëm për shkak të performancës dhe takimit me mijëra fansa, por edhe për mundësinë për të përqafuar sërish një mikeshë me të cilën ndan një histori të gjatë miqësie.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: