Kukësi është skuadra e vetme, nga tre ekipet e superiores të impenjuara në një fazë përgatitore në Antalia, që ka arritur rezultatet dhe paraqitjet më të mira gjatë këtyre ditëve në tokën turke, parë dhe nivelin e kundërshtarëve.
Sot, skuadra e Shpëtim Duros ka barazuar 0-0 me rumunët e Politehnika Iashit, ndërsa më herët arritir një rezultat 1-1 ndaj Malatjasporit.
Tirana ka mbyllur përgatitjet në Turqi me miqësoren e zhvilluar kundër skuadrës polake të Korona Kielces, ku u mposht me përmbysje 2-1, teksa golin e epërsisë së përkohshme e pati shënuar Agustin Torasa.
Bardheblutë kanë siguar një fitore në tre miqësoret e luajtura, kur pak ditë më parë thyen hungarezët modestë të Mezokovezdit me shifrat 1-0.
Partizani mbyll miqësoret, por jo ditët turke. Të kuqtë e kryeqytetit janë thyer edhe në përballjen e dytë, atë ndaj Honvedit, me hungarezët që kanë triumfuar 2-0 ndaj kampionëve të Shqipërisë.
Ndryshe nga përballja me Trabzonsporin, të besuarit e Adolfo Sormanit shfaqën një ritëm jo të pëlqyeshëm dhe gabime të shumta gjatë 90 minutëshit të përfunduar pak çaste më parë. Partizani do të kthehet pasnesër në Shqipëri.
(Balkanweb)