Rrugët në zonën turistike të Thethit janë bllokuar për shkak të reshjeve të dendura të shiut të cilat kanë nisur që prej mëngjesit të sotëm.

Uji i rrëmbyeshëm ka përmbysur një pjesë të akseve rrugore duke e bërë qarkullimin të pamundur ndërsa disa automjete kanë mbetur në rrugë.

Gjithashtu për shkak të motit të keq janë izoluar dhe një pjesë e banorëve të zonës.

Sipas burimeve rruga që të çon në fshatin Ndërlysa është totalisht e pakalueshme nga automjetet, pasi është shembur edhe një urë kaluese.

(BalkanWeb)