Plot 12 sfida janë zhvilluar në parketet e NBA-së të mërkurën në mbrëmje, ku nuk kanë munguar surprizat. Los Angeles Lakers pësojnë një humbje të papritur në shtëpi ndaj Utah Jazz, me rezultatin 109-97, duke i dhënë fund serisë prej nëntë fitoresh radhazi. As 29 pikët e Luka Doncic nuk mjaftuan për kalifornianët për të shmangur umbjen.
Disfatë edhe për Boston Celtics, që u mposhtën 105-101 nga Denver Nuggets. Nikola Jokic ishte protagonist kryesor për Nuggets me 24 pikë, 9 asistime dhe 8 ribaunde.
Ndërkohë, Miami Heat triumfoi 137-130 ndaj Milwaukee Bucks, në një përballje të veçantë për Giannis Antetokounmpo, i cili sfidoi për herë të parë ish-skuadrën e tij. Greku realizoi 27 pikë dhe 14 ribaunde, ndërsa italiani Simone Fontecchio kontribuoi me 6 pikë.
Vazhdon momenti pozitiv për Philadelphia, që mposhti Orlando Magic 121-116 dhe ruan kreun e Konferencës së Lindjes. Vendimtarë ishin Embiid me 26 pikë dhe LeBron James me 22.
Në rezultatet e tjera, Chicago Bulls shkatërroi Brooklyn Nets 137-107, Houston Rockets mundi Indiana Pacers 119-104, ndërsa Phoenix Suns triumfoi ndaj Sacramento Kings 128-107. Fitore regjistruan gjithashtu Memphis Grizzlies, Washington Wizards, Dallas Mavericks, Detroit Pistons dhe Atlanta Hawks.
