Një 34-vjeçar nga Kosova, i shpallur në kërkim ndërkombëtar nga autoritetet gjermane për trafikim të lëndëve narkotike, është arrestuar në Morinë.

Shtetasi me inicialet Y. A., banues në Ferizaj, u kap në hyrje të Shqipërisë gjatë kontrolleve të Policisë Kufitare. Pas verifikimeve dhe shkëmbimit të informacionit me Interpol Tiranën, rezultoi se ndaj tij Gjykata e Uiesbadenit në Gjermani kishte caktuar masën e sigurisë “Arrest në burg”. 34-vjeçari akuzohet për veprën penale “Trafikimi i lëndëve narkotike”, sipas legjislacionit penal gjerman.

Ndërkohë, Interpol Tirana në bashkëpunim me homologët gjermanë ka nisur procedurat për ekstradimin e tij.

Njoftimi i policisë

Morinë, Kukës

I shpallur në kërkim ndërkombëtar nga autoritetet gjermane, për trafikim të lëndëve narkotike, kapet në Morinë 34-vjeçari nga Kosova.

Si rezultat i kontrolleve dhe i verifikimeve në hyrje/dalje, me objektiv goditjen e paligjshmërive në kufi, si dhe ndalimin e shtetasve të shpallur në kërkim, të cilët tentojnë të lëvizin ilegalisht për t’iu shmangur përgjegjësisë penale, shërbimet e Policisë Kufitare Morinë, në bashkëpunim me shërbimet e DVP Kukës, kapën në hyrje të RSh-së dhe arrestuan me qëllim ekstradimin, shtetasin kosovar:

– Y. A., 34 vjeç, banues në Ferizaj, Kosovë.

Nga verifikimet e kryera dhe nga informacioni i shkëmbyer me Interpol Tiranën, rezultoi se ky shtetas ishte shpallur në kërkim ndërkombëtar, pasi Gjykata Ëiesbaden, Gjermani, i ka caktuar masën e sigurisë “Arrest në burg”, për veprën penale “Trafikimi i lëndëve narkotike”, parashikuar nga legjislacioni penal gjerman.

Interpol Tirana, në bashkëpunim me homologët në Gjermani, vijon procedurat për ekstradimin e 34-vjeçarit.