Është mbyllur pa fitues sfida e fundit dhe më e rëndësishme e javës së 23-të të Superligës. Vllaznia dhe Kukësi u ndanë në barazim pa gola, duke lënë të pandryshuar pozicionin e tyre në tabelën e renditjes. Një rezultat që le me pengje Vllazninë, që në minutën e 70-të shpërdori edhe mundësinë më të mirë për të shënuar golin e epërsisë.
Të zotët e shtëpisë fituan një 11-metërsh, por nga pika e penalltisë Imeri gaboi me goditjen e tij. Pas këtij barazimi, Vllaznia mban vendin e parë me 42 pikë, ndërsa Kukësi mbetet në vendin e gjashtë me 31 pikë.
(balkanweb)