Kryeministri Edi Rama mbajti fjalën e tij gjatë aktivitetit të organizuar në Pallatin e Kongreseve në Tiranë, me rastin e 35-vjetorit të themelimit të Partisë Socialiste. Në një pjesë të fjalimit të tij, Rama u ndal te çështjet e drejtësisë dhe sfidat politike që, sipas tij, lidhen me procesin e transformimit të vendit dhe integrimin europian.
“Ne nuk jemi këtu për të kërkuar lirinë e një të burgosuri politik, sepse kjo nuk është çështja jonë, sepse në Shqipëri nuk ka të burgosur politikë, sepse sado e dhimbshme dhe e padrejtë të na duket, pikërisht pse jemi këtu për të bërë histori dhe për t’i lënë fëmijëve tanë një Shqipëri tjetër, kemi vetëm një detyrë jashtëzakonisht të vështirë, detyrë që Fatos Nano e kreu më së miri duke, jo vetëm përballuar burgun dhe dalë me dorën e shtrirë ndaj burgosësit të tij e duke përballuar poshtërime të tjera…”, u shpreh Rama, duke iu referuar periudhave të mëparshme politike.
Ai shtoi se Partia Socialiste ka përgjegjësinë të vijojë një rrugë historike, me qëllim, siç tha ai, ndërtimin e një Shqipërie tjetër për brezat e ardhshëm.
Sipas kryeministrit, vendi ndodhet në një moment vendimtar mes së shkuarës dhe së ardhmes, ndërsa theksoi se integrimi në Bashkimin Europian kërkon, siç u shpreh ai, “sakrifica të të gjitha llojeve”. Rama nënvizoi gjithashtu rolin e drejtësisë në këtë proces, duke e cilësuar atë si një nga sfidat kryesore për politikën shqiptare, pasi sipas tij përfshin edhe dorëzimin e pushtetit dhe përgjegjësinë përballë ligjit.
Edi Rama: Nuk jemi duke kërkuar lirinë për të burgosurin politik Erion Veliaj, se nuk është çështja jonë. Sado e dhimbshme dhe e padrejtë të na duket ne. Ne pikërisht pse jemi këtu për të bërë histori dhe për ti lënë fëmijëve një Shqipëri tjetër kemi një detyrë, detyrën Fatos Nano e kreu më së miri jo vetëm duke përballuar burgun dhe duke dalë me dorën e shtrirë burgosurit të tij. Pa i hapur asnjëherë detit të socialistëve për ta përmbytur Shqipërinë nga e para. Jemi në udhëkryq, jo PS, Shqipëria. Mes së shkuarës dhe të ardhmes. Mes Shqipërisë që kemi pasur kaq shumë vite dhe asaj që kemi misionin t’ja lëmë fëmijëve në BE. ajo në BE kërkon sakrifica, të të gjitha llojeve. Drejtësia e vetmja sakrificë reale që politikanët bëjnë sepse lëshojnë pushtet, lëshojnë një shpatë me rrezikun që t’ju vijë me të drejtë dhe padrejtë.
