TIRANË

Ambasadorja amerikane në Tiranë Yuri Kim ka folur me ‘deadline’ sot për Gjykatën Kushtetuese duke përcaktuar 31 dhjetorin si afatin e fundit për kthimin në funksion të saj.

Ambasadorja Kim ka reaguar pas takimit të përbashkët me ambasadorin e BE-së Luigi Soreca dhe kryetaren në detyrë të KED, Vitore Tusha duke theksuar se kur kjo të ndodhë, udhëheqësit, sidomos Presidenti Meta, Kryetari i Parlamentit Ruçi & Kryetarja e KED Tusha – do të meritojnë lëvdata për ndërmarrjen e veprimeve urgjente.

“Luigi Soreca dhe unë u takuam sot me Kryetaren e KED Tusha, për të rikonfirmuar afatin kohor për emërimin e kandidatëve të kualifikuar në Gjykatën Kushtetuese. Takimi i nesërm i KED – i cili, si zakonisht, përfshin vëzhgues nga Parlamenti & Presidenca duhet ta çojë procesin përpara, në mënyrë që Shqipëria të ketë një GJK funksionale deri më 31 dhjetor. Kur kjo të ndodhë, udhëheqësit – sidomos Presidenti Meta, Kryetari i Parlamentit Ruçi & Kryetarja e KED Tusha – do të meritojnë lëvdata për ndërmarrjen e veprimeve urgjente në përputhje me opinionin e Komisionit të Venecias & në përgjigje të kërkesës së popullit shqiptar për Reformën në Drejtësi.”