NIGER– Vijon të rritet numri i viktimave si pasojë e protestave të dhunshme kundër revistës franceze Charlie Hebdo në Niger.
Sipas presidentit të vendit, Mahamadou Issoufou, numri i viktimave në 48 orët e fundit ka arritur në 10. Viktimat kanë qenë kryesisht në kisha dhe bare të cilave u është vendosur zjarri.
Raportohet se si pasojë e dhunës janë djegur edhe 3 kisha të tjera duke e çuar numrin e kishave të djegura në total në 6.
Protestat filluan jashtë xhamisë së madhe në qytetin Niamey duke u përhapur më pas në pjesë të tjera të vendit.
Publikimi sërish i karikaturës së Profetit Muhamed nga Charlie Hebdo ka nxitur protesta dhe zemërim të myslimanëve në disa vende të botës.
(d.d/BalkanWeb)