Një vajzë ka pësuar djegie të shumta pasi u përpoq të shpëtonte qenin e saj nga një burim i nxehtë në Parkun Kombëtar Yellowstone, thanë autoritetet.
Vajza u nxor nga uji nga babai i saj dhe u dërgua në një spital rajonal me “djegie të konsiderueshme termike” në të gjithë trupin.
Qeni i vajzës 20-vjeçare u hodh në ujin që vlonte dhe më vonë ngordhi.
Autoritetet po hetojnë incidentin, i fundit në një varg djegiesh në park.
Në një deklaratë, Shërbimi i Parkut Kombëtar të SHBA tha se gruaja, një banore e shtetit të Uashingtonit, doli nga automjeti i saj për të ndjekur qenin e saj më 4 tetor.
Ajo hyri në një burim të nxehtë termik të njohur si Maiden’s Grave Spring për të tërhequr qenin, i cili rezultoi në “djegie të konsiderueshme termike midis shpatullave dhe këmbëve “.
Pasi u nxor nga burimi i nxehtë nga babai i saj, ajo u transportua në një qendër mjekësore në shtetin amerikan Idaho.
Ndërsa shërbimi i parkut nuk e identifikoi gruan, një fushatë GoFundMe filloi të mblidhte para për faturat e saj mjekësore.
Në Instagram, motra e zonjës Slayton shkroi se ajo pësoi kryesisht djegie të shkallës së dytë pasi qëndroi afërsisht tetë sekonda në ujin e nxehtë.
” Babai ynë e tërhoqi atë jashtëzakonisht shpejt,” shkroi Kamilla Slayton. “Ajo është tepër me fat. Babai i shpëtoi jetën.”
Zyrtarët e parkut kanë paralajmëruar vazhdimisht vizitorët që të jenë të kujdesshëm kur janë në zonat hidrotermale dhe të qëndrojnë në shëtitore dhe shtigje dhe të kontrollojnë fizikisht kafshët shtëpiake gjatë gjithë kohës. Kafshët shtëpiake nuk lejohen në zonat termale.
Në shtator, një vajzë 19-vjeçare pësoi djegie të mëdha të shkallës së dytë dhe të tretë në 5% të trupit të saj.
Në vitin 2020, një 3-vjeçar pësoi lëndime pasi doli nga një shteg dhe ra “në një gropë të vogël termike”.
Uebfaqja e sigurisë e Yellowstone vëren se më shumë se 20 njerëz kanë vdekur nga djegiet pasi kanë hyrë në burimet e nxehta të parkut.
Burimet e nxehta kanë vrarë ose plagosur më shumë vizitorë në Yellowstone sesa çdo veçori tjetër natyrore.
