Forca Kombëtare e Mbrojtjes së Afrikës së Jugut është thirrur për të ndihmuar në operacionet e pastrimit në bregun lindor të vendit të shkatërruar nga përmbytjet.
Të paktën 443 persona kanë vdekur dhe 63 të tjerë janë të zhdukur pas stuhisë më vdekjeprurëse në histori që ra në qytetin e Durban dhe zonën përreth të provincës KwaZulu-Natal.
Dhjetëra mijëra njerëz kanë mbetur të pastrehë dhe më shumë se 550 shkolla dhe gati 60 objekte të kujdesit shëndetësor janë dëmtuar, sipas qeverisë së Afrikës së Jugut. Autoritetet kanë njoftuar një ndihmë të menjëhershme prej 1 miliard rand (68 milionë dollarë) në ndihmë emergjente.
Uji i pijshëm mbetet në mungesë në shumë lagje. U dërguan cisterna uji në zonat më të goditura. Uji i rrjedhshëm u rivendos në disa lagje gjatë fundjavës, por zona të tjera mund të përballen me një pritje të gjatë.
Qiejt blu më në fund u rishfaqën të hënën, duke dhënë shpresë se reshjet më në fund janë pakësuar. Por ujërat normalisht të kaltra në plazhet e famshme të Durbanit janë kthyer në një ngjyrë kafe me baltë dhe mbeturinat janë derdhura në breg.
Ushtria do të ofrojë mbështetje si pjesë e Operacionit Chariot duke ngritur strehim në terren, duke siguruar ujë të freskët me sistemet e saj të pastrimit të ujit, duke vendosur elektricistë për rivendosjen e energjisë dhe duke dërguar hidraulikë për rivendosjen e furnizimit me ujë në zonat që janë prekur nga përmbytjet.
Ndërsa shkalla e plotë e dëmit nuk është përcaktuar ende, Kryeministri i KwaZulu-Natal Sihle Zikalala tha se “do të kërkohen miliarda për të rindërtuar provincën nga kjo katastrofë”.
“Në këtë pikë, ne jemi ende duke vëzhguar të gjitha dëmet dhe po përcaktojmë sasinë,” tha Zikalala. “Ne duam të jemi shkencorë dhe jo alarmues për këtë dhe të sigurojmë që të kemi mbuluar të gjithë sektorët e prekur”.
Kostoja e paraprake vlerësuar e dëmtimit të infrastrukturës rrugore arrin në vlerën e 400 milionë dollarë (5.6 miliardë R), dhe se ajo përfshinte 1,369 projekte infrastrukturore në të gjithë krahinën bregdetare.
Zikakaka tha se shumë rrugë, ura dhe infrastrukturë tjetër thelbësore u dëmtuan ose u shpërndanë plotësisht.
Gjatë një konferencë për media të dielën pasdite, Zikalala shfrytëzoi rastin për të zbutur frikën rreth grabitjes së mundshme të fondeve.
“Duam të themi, pa asnjë ekuivok, se të gjitha burimet e ndara për lehtësimin e përmbytjeve dhe procesin e rimëkëmbjes dhe rindërtimit do të përdoren në përputhje me korrektësinë fiskale, përgjegjshmërinë, transparencën dhe çiltërsinë”, tha Zikalala. “Duam të theksojmë faktin se, pasi kemi nxjerrë mësimet e Covid-19, asnjë sasi korrupsioni, keqadministrimi dhe mashtrimi nuk do të tolerohet apo lidhet me këtë krahinë.”
