Pak ditë më parë, Cher deklaroi se djali i saj, Elijah Blue Allman, është zhdukur dhe kërkon urgjentisht të emërohet si kujdestar i përkohshëm i tij, pasi ajo ka frikë për shëndetin e tij mendor.
47-vjeçari është shfaqur dhe ka kundërshtuar argumentet e nënës së tij, e cila do të vendosë nën mbikëqyrjen e saj të gjitha pasuritë e tij.
Në dokumentet ligjore të marra nga TMZ, Blue Allman dhe gruaja e tij, Mariangela King, parashtrojnë arsyet e tyre pse Cher nuk ka nevojë të shërbejë si kujdestare e pasurisë së tyre dhe hedh akuza kundër yllit të famshëm.
Blue Allman pretendon se tani është i matur, duke paguar faturat e tij dhe i përkushtuar për të menaxhuar pagesat që merr nga trashëgimia e babait të tij të ndjerë, Gregg Allman.
Cher's Son Elijah Offers Extra Reasons Why He Doesn't Need Conservatorship | Click to read more 👇 https://t.co/FDRKT6Nh5N
— TMZ (@TMZ) January 24, 2024
Megjithatë, gruaja e tij shkoi një hap më tej në dokumente dhe pretendoi se Cher orkestroi rrëmbimin e tij dhe e mbajti atë në një strukturë rehabilitimi meksikan kundër vullnetit të tij. Në dokumente, Mariangela King thotë se burri i saj u dërgua në Meksikë në tetor dhe u tha nga një mjek i punësuar nga Cher se do t’i nënshtrohej një trajtimi alternativ. Megjithatë, thotë ajo, në fakt ishte një “objekt i tipit burg i improvizuar i njohur si ‘Baja Rehab’ ku ai u mbajt kundër vullnetit të tij”.
Mariangela pretendon se ajo udhëtonte çdo ditë nga konteja e Los Anxhelosit në Rosarito “për të shpëtuar Elijah nga robëria e nënës së tij, pasi ai u mbajt rob atje për 2 muaj derisa agjentët federalë meksikanë e shoqëruan dhe e liruan në kufi”.
Nga ana e saj, Cher ka mohuar akuzat për rrëmbim.
