TIRANË

Kryeministri Edi Rama i është kthyer deputetes së PD-së Jorida Tabaku dhe deputetëve të opozitës me batuta pas shifrave të sjella për ekonominë, borxhin etj.

Rama kujtoi deklaratat e Tabakut në treg dhe iu drejtua opozitës se kjo i jep një lloj ngjyre  që është një film bardhezi që para filmit shtigje lufte duket si film i Hollivudit.

Kreu i mazhorancës shkoi më tej duke i thënë deputetëve të PD-së “jeni në fazën që jeni zhytur në një kazan plehrash”.

“Për të vazhduar me një tjetër shifër se ju shikoj shpesh që shkoni pranë domateve dhe zarzavateve. Çështja është se Banka e Shqipërisë,,,,

Jo ne sigurohemi që të ketë më shumë domate në treg dhe eksport dhe në këtë sasi domatesh të shtuara sigurohemi që ta keni sfondin plot me domate kur dilni atje. Ju dilni atje dhe me gjithë ato domate të bukura plot shkëlqim dukeni dhe më mirë në këtë Shqipëri që po shkon në mjerim të vazhdueshëm.

Ne na vjen mirë që dukeni më mirë. Këtu është për të marrë mikrofonin vetëm për ngushëllime, po të nisemi se si jeni. Të paktën del znj. Tabaku me domate dhe mollë dhe i jep një lloj ngjyre kësaj punës suaj që është një film bardhezi që para filmit shtigje lufte duket si film i Hollivudit.

Domatet janë fakte patjetër dhe janë aq shumë fakte sa që mjafton të shikosh shifrat e eksportit për të kuptuar pse nuk ngjisni fare ju me domaten. Mos të flasim, mos të hyjmë te tema e plehrave se aty e keni kompetencën më të lartë dhe nuk hahemi dot me ju. Jeni në fazën që jeni zhytur në një kazan plehrash”, tha Rama.