Dërgesat nga paketa e ndihmës së sigurisë prej 800 milionë dollarësh për Ukrainën nga SHBA mbërritën “gjatë fundjavës”, tha zëdhënësi i Pentagonit John Kirby gjatë një konference të hënën. Një paketë do të arrijë “në 24 orët e ardhshme”, shtoi Kirby.
“Ne po i japim përparësi llojeve të aftësive në ato dërgesa që ne e dimë se ukrainasit kanë nevojë më shumë, kështu që të gjitha këto janë duke u prioritizuar,” tha Kirby.
Departamenti i Mbrojtjes njoftoi një paketë tjetër prej 300 milionë dollarësh të “aktiviteteve të ndihmës shtesë nën autoritetin e ofruar nga Iniciativa e Ndihmës për Sigurinë e Ukrainës (USAI),” të premten, sipas një njoftimi të DoD.
Kirby tha se paketa prej 300 milionë dollarësh, e cila do të duhet të blihet nga kontraktorët dhe nuk vjen nga rezervat amerikane, është vetëm “një mjet tjetër në kutinë e mjeteve” për të ndihmuar Ukrainën.
“Që ne po aplikojmë USAI është vetëm një mjet tjetër në kutinë e mjeteve, nuk nënkupton një lloj mungese që ndikon në gatishmërinë e SHBA në këtë fazë,” tha Kirby.
