PEQIN- Pas më shumë se 10 vite pritjeje të lejes së legalizimit këtë fundjavë në bashkinë e Peqinit janë shpërndarë për herë të parë një pjesë e tyre. 136 leje legalizimi u shpërndanë për qytetarë të kësaj zone, të cilët kishin pritur prej disa vitesh.
I pranishëm në këtë ceremoni deputeti socialist, Anastas Angjeli, u shpreh se procesi po ecën në ritmet e duhura.
Krahas këtyre lejeve janë me dhjetëra qytetarë të tjerë që presin legalizimet e pronave të tyre ne këtë zonë, por sipas Drejtorit të ALUIZNI-t në qarkun e Elbasanit probleme janë hasur kryesisht në objektet me probleme pronësie, apo ata të cilat janë ndërtuar pa marr në konsideratë planin rregullues të bashkisë.
(el.sp/BalkanWeb)