Policia e Durrësit ka dhënë detaje rreth ngjarjes sot në qytetin bregdetar, ku mbetën të plagosur dy persona por më pas një prej tyre ndërroi jetë në spital. Sipas policisë mes disa personave ka pasur fillimisht një konflikt me mjete të forta dhe më pas janë nxjerrë armët.
NJOFTIMI I POLICISE
Më datë 18.09.2020, rreth orës 20:00, në lagjen nr.13. Durrës, pas një konflikti të çastit me mjete të forta e më pas me armë zjarri midis disa personve, janë plagosur me armë zjarr shtetasit A.B., dhe E.Gj., të cilët ndodhen në spital nën kujdesin e mjekëve, jashtë rrezikut për jetën.
Falë reagimit të menjëhershëm të Policisë, janë shoqëruar në Drejtorinë Vendore të Policisë Durrës 6 shtetas dhe mes tyre është autori i ngjarjes, por nuk jepen të dhëna për shkak të hetimit.
Grupi hetimor ndodhet në vendngjarje dhe po punon për zbardhjen e ngjarjes.
