Policia ka dhënë detaje në lidhje me plagosjen e ndodhur në Xhafzotaj të Shijakut. Efektivët shprehen se autori i plagosjes është 30-vjeçari A.H dhe po punohet për kapjen e tij. Ndërsa, i plagosur mbeti shtetasi E.D, 36 vjeç.

Njoftimi i policisë:

Shijak/Informacion paraprak

Rreth orës 11:15, dyshohet se gjatë një konflikti të çastit, për motive të dobëta, është plagosur me armë zjarri në këmbë shtetasi E. D.,36 vjeç, banues në Shijak, i cili është në kujdesin e mjekëve, jashtë rrezikut për jetën.

Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin e autorit të dyshuar shtetasit A. H., 30 vjeç, banues në Durrës dhe vijon krehja e zonës për kapjen e tij.

Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes.

(Balkanweb)