ZVICËR-Autoritetet zvicerane janë vënë në kërkim të një lideri të rëndësishëm të një organizate islamike që dyshohet të ketë lidhje me terrorizëm.
Prokurorët kanë thënë se i dyshuari, shtetas gjerman, është anëtar i bordit i Këshillit Qendror Islamik në Zvicër (ICCS), raportojnë mediet ndërkombëtare.
Ai dyshohet se ka përdorur videot e bëra gjatë vizitave të tij në Siri për qëllime propagandistike.
Sipas kryeprokurorit zviceran, i dyshuari ka bërë video nga aktivitetet e organizatës terroriste Al-Kaeda dhe nuk është distancuar nga veprimet e tyre.
Zvicra mbetet ende e alarmuar nga terrorizmi pas sulmeve në Paris natën e 13 nëntorit, ku mbetën 130 të vdekur.
Autoritetet zvicerane kanë thënë se janë duke i trajtuar 46 raste kriminale të lidhura me “motive xhihadiste” dhe terrorizëm.
(d.d/BalkanWeb)