TIRANE- Ish-kryeministri Sali Berisha ka bërë sot një propozim të veçantë, ndërsa kërkoi që të bëhej një rezolutë për mbrojtjen e gazetarëve.

Gazetarja Elda Menga raportoi për ‘BalkanWeb’ se Berisha e ka bërë këtë kërkesë në mbledhjen e grupit të PD-së, që u mbajt sot me dyer të mbyllura. Ish-lideri i PD-së theksoi se rezoluta duhet të bëhet për të mbrojtur gazetarët nga fyerjet e kryeministrit Edi Rama.

Kujtojmë se ky i fundit në daljet e tij publike nuk kursen edhe ironitë në drejtim të mediave, duke i cilësuar shpesh si ‘media kazani’. Ndërkohë, pak kohë më parë kreu i qeverisë sulmoi mediat gjatë një bashkëbisedimi me ta para sallës së Kuvendit, ndërsa nuk nguroi që t’i korrigjonte edhe për pyetjet e bëra ndaj tij.
(ed.me/BalkanWeb)