Lionel Messi nuk ka reaguar publikisht pasi kontrata e tij me Barcelonën doli në media dhe si pasojë e gjithë bota mundi të mësojë se nga viti 2017 deri në qershor të 2021 “Pleshti” do të fitonte më shumë se 500 milion euro. Përpara publikimit të saj në të përditëshmen spanjolle “El Mundo” vetëm pak njerëz e dinin përmbajtjen.
Përveç Mesit dhe enturazhit të tij të afërt, në dijeni dhe kishte akses, ishte kupola e klubit “blaugrana” ish-presidenti Josep Maria Bartomeu, presidenti aktual i Komitetit të Menaxhimit Carles Tusquets, ish-nënkryetari për çështjet sportive Jordi Mestre, CEO i klubit Òscar Grau dhe Romà Puntí shefi i shërbimeve juridike.
Të pestë këta persona janë paditur nga sulmuesi argjentinas, që kërkon të mësojë se cili ishte ai që nxorri në “treg” kontratën e ti, duke shkelur në këtë mënyrë privatësinë, por edhe ligjin për “zbulimin e dokumetit privat”. Ndërkohë, edhe klubi i Barcelonës ka nisur një hetim të brendshëm për të nxjerrë përgjegjësin.
(balkanweb)