Deputeti i PS-së Ervin Bushati, me anë të një statusi në “Facebook” shkruan se pavarësisht se PD-ja tenton që të zhbëjë procesin e rindërtimeve nga tërmeti i 26 nëntorit, bën vetëm propagandë, që askush nuk e beson.
Bushati shprehet se zëdhënësja e PD-së Ina Zhupa trajtoi sot rastin e qytetarit Arben Gjoka, që sipas tij, nuk ka aplikuar në kohë për të marrë atë që i takon nga procesi i rindërtimit.
Ervin Bushati nënvizon se edhe z. Gjoka do të trajtohet njësoj si qytetarët e tjerë, në rast se ligji do të krijojë një tjetër mundësi.
Postimi i deputetit të PS Ervin Bushati:
Përgënjeshtrim Publik PD lokale: Asnjë aplikues jashtë Programit të Rindërtimit??
Jemi me kokën lart pas tërmetit të 26 Nëntorit 2019, #bashkë si shoqëri reaguam si një trup dhe me dinjtitet.
Në Njësinë 8 janë regjistruar në Programin Kombëtar të Rindërtimit:
✅699 aplikime nga familje të dëmtuara nga tërmeti i 26 Nëntorit,
✅54 shtëpi të shpallura të pariparueshme po rindërtohen nga e para,
✅645 banesa me dëme të lehta kanë përfituar nga grantet e rindërtimit.
PD vazhdon të përdorë qytetarët dhe me dije; edhe kur e ka të qartë hapësirën ligjore, edhe në rastin sot!
Ne i garantojmë mbështetje edhe qytetarit Z. Arben Gjoka; i cili NUK aplikoi dot në kohë për tu përfshirë në Programin e Rindërtimit, jashtë çdo afati ligjor.
Në rastin më të parë, nëse ligji do krijojë një tjetër mundësi, do ta trajtojmë njësoj si 699 qytetarët e tjerë dhe pa ngjyrime politike.
(d.xh/ Balkanweb)
