Ukraina dënon zgjedhjet ‘e falsifikuara’ në rajonet e pushtuara nga Rusia.
Ministri i Jashtëm i Ukrainës i quajti zgjedhjet si “të rreme”, duke thënë se votat nuk do të kishin ndonjë qëndrim ligjor. Kandidatët janë të gjithë ose rusë ose pro-rusë, dhe përfshijnë guvernatorët e zgjedhur me dorë nga Moska.

Shumë pjesëmarrësve në zgjedhjet e parakohshme u është kërkuar të hedhin votat e tyre në prani të ushtarëve të armatosur rusë.
Zyrtarët ukrainas kanë paralajmëruar qytetarët që të mos marrin pjesë. Ata thonë se çdo qytetar ukrainas i përfshirë në organizimin e zgjedhjeve mund të presë që të ndëshkohet në të ardhmen.

Këshilli i Evropës, një organ për të drejtat e njeriut, dënoi lëvizjen në “territoret ukrainase të aneksuara ilegalisht” si një “shkelje flagrante të ligjit ndërkombëtar, të cilin Rusia vazhdon ta shpërfillë”.
Zgjedhjet, të cilat përfundojnë të dielën, po zhvillohen në katër rajone që Rusia nuk i kontrollon plotësisht, siç janë Donetsk dhe Luhansk në lindje, si dhe rajonet jugore të Zaporizhzhia dhe Kherson.

(BalkanWeb)