Me shtatorin nis dhe sezoni i ri televiziv, që do të thotë edhe surpriza të reja në ekran. Duket se edhe këtë sezon do të kemi disa vijime, por edhe disa risi.

Sezoni i ri televiziv nis me lëvizje të reja dhe një prej rikthimeve që pritet të tërheqë vëmendjen është ai i Valbona Mhillit. Pas një periudhe larg ekranit, gazetarja dhe moderatorja rikthehet në televizion, këtë herë në një rol të rëndësishëm në “News24”, ku do të marrë drejtimin e emisionit të mëngjesit “Vila24″.

Mhilli ka ndërtuar ndër vite një profil të lidhur ngushtë me median, ekranin dhe komunikimin publik. Rikthimi i saj shënon një sfidë të re profesionale televizive. Energjia, komunikimi i drejtpërdrejtë dhe mënyra e saj për të krijuar raport me publikun janë ndër elementët që pritet të karakterizojnë këtë rikthim.

Për Mhillin, sezoni i ri shënon një tjetër kapitull në karrierën televizive, duke marrë drejtimin emisionit të mëngjesit “Vila24”. Lëvizja e saj është pjesë e merkatos televizive që shoqëron nisjen e sezonit të ri, ku ekranet shqiptare po riformatojnë programacionin dhe po sjellin emra të njohur në pozicione të reja.

”Vila24″ do të nisë transmetimin më shtator, në News24, ndërsa rikthimi i Valbona Mhillit pritet të jetë një prej lëvizjeve që do të tërheqë vëmendjen në sezonin e ri televiziv. Një rikthim në ekran, një sfidë e re dhe një kapitull i ri për Valbona Mhillin në televizion. Panorama Plus