Një nga dy të mbijetuarit e fundit në një luftanije amerikane e fundosur gjatë sulmit të Japonisë në Pearl Harbor të vitit 1941, ka vdekur në moshën 102-vjeçare.
Howard Kenton Potts, ishte një operator vinçi 20-vjeçar që merrte furnizime për USS Arizona kur Japonia sulmoi më 7 dhjetor 1941.
Një total prej 1,177 marinarësh në anije u vranë, duke përbërë gati gjysmën e viktimave amerikane gjatë sulmit.
Shtetet e Bashkuara iu bashkuan Luftës së Dytë Botërore pas sulmit.
Z. Potts – i cili quhej Ken – vdiq në një shtëpi në Utah, të cilën e ndante me gruan e tij prej 66 vitesh, sipas Randy Stratton, djali i mikut dhe shokut të anijes së Pott gjatë kohës së luftës.
Stratton u citua nga Associated Press të ketë thënë se zoti Potts kishte e dinte se trupi i tij po fikej mbi të” në ditët para vdekjes së tij.
Zoti Potts u regjistrua për herë të parë në Marinën amerikane në 1939.
Në mëngjesin e 7 dhjetorit 1941, ai po merrte furnizime për USS Arizona kur avionët japonezë filluan të godasin objektet detare të SHBA në Pearl Harbor.
Sapo filloi sulmi, zoti Potts përdori varkën e tij për të shpëtuar marinarët që ishin hedhur në ujë dhe për t’i dorëzuar në një ishull aty pranë.
Ai ishte ende në port kur anija shpërtheu, duke u fundosur vetëm nëntë minuta pasi u godit për herë të parë.
“Unë ende e shoh dhe e ndjej atë… shumicën e rasteve si një makth,” i tha Potts më vonë Gardës Kombëtare në një intervistë të vitit 2021. “I gjithë vendi digjej, uji digjej si vaji”. Potts më vonë u ngarkua me marrjen e trupave të pajetë nga Arizona.
“Kjo,” i tha ai Gardës Kombëtare. “Ishte një punë e tmerrshme.”
Më shumë se 900 marinarë mbeten të varrosur brenda anijes Arizona, e cila mbetet aty ku u mbyt në Pearl Harbor.
I vetmi i mbijetuar tjetër i Arizonës, Lou Conter, është 101 vjeç.
SHBA i shpalli luftë Japonisë një ditë pas sulmit në Pearl Harbor. Gjermania dhe Italia i shpallën luftë SHBA-së më 11 dhjetor, duke bërë që qeveria amerikane t’u shpallte luftë atyre.