Disa anëtarë të Aleancës për Mbrojtjen e Teatrit aknë protestuar mbrëmjen e sotme afër Ministrisë së Brendshme.
Ata kanë protestuar si për shembjen e Teatrit ashtu edhe për shoqërimin e 4 aktivistëve disa ditë më parë.
Në protestën prej disa anëtarësh ishte i pranishëm dhe aktori Edmond Budina. Ai ka sqaruar se aktivistët atë ditë do hynin në pedonale për ‘live-n’ e përditshme dhe atë moment u ndaluan nga Policia.
Budina tregon se njëri prej aktivistëve gjatë shoqërimit, Donald Martini u tha policëve se ishte me nënshtetësi shqiptare e britanike, por gjithsesi uniformat blu e kanë dhunuar duke i futur shkelm fytyrës.
‘’Kjo banderolë është e përnatshme. Që kur u shemb Teatri kjo banderolë ka qenë. Kjo skenë krimi është e vazhdueshme, evidente, është shkatërruar një vepër me gjithë njerëzit brenda e gjithçka u shembën. Krim i madh kundër demokracisë së vendit. Kjo skenë krimi do vijojë. Teatri do të bëhet atu ku ishte, ashtu siç ishte.
Është përdorur dhunë. Shenjat në fytyrën e Donald Martinit janë të dukshme, në krahët e Seranajt, nuk është pretendim, por fakt dhuna e Policisë ndaj njerëzve qytetarë.
Në momentin që Martini u thotë që është shqiptar e britanik i futën shkelmin turinjve. Donin të hynin në pedonale dhe do bënin live-n e përnatshme.Dhunë konkrete reale e shtetit. Kjo dhunë që u përdor ndaj aktivistëve tanë, nuk ndodhi rastësisht, është dhunë verbale që ka vijuar nga qeveria. E kemi parë në shumë raste. Ajo që ka ndodhur këtu është e paimagjinueshme.’’- tha Budina.
(BalkanWeb)
