TIRANE
Janë zbardhur konkluzionet e mbledhjes së asambleve të pedagogëve. Burime për ‘BalkanWeb’ bëjnë me dije se do të themelohet një sindikatë për të mbrojtur pedagogët. Ndërkohë krahas sindikatës, Asambleja ka dalë me 6 vendime të tjera.
Vendimet:
- Rikonfirmimi i kërkesave të bëra më herët
- U bëjmë thirrje të gjitha asambleve që të mbajnë një qëndrim për ligjin e arsimit të lartë, dhe u kërkojmë që të bashkohen me vendimin e asambleve që janë për grevë.
- I kërkojmë të gjitha autoriteteve të mbajnë qëndrim konseguent për ligjin e arsimit të lartë në përputhje me vendimet e asambleve (Senatit, Rektorit)
- Ftojmë trupën akademike që te kontribuojnë dhe të kenë një angazhim sindikalist.
- Ngritja e një grupi pune për ligjin e Arsimit të Lartë (që të diskutohen gabimet dhe si mund të bëhen) Grupi i punës të bëjë një dokument me oponencë për ligjin.
- Kërkojmë debat me komisionin e Edukimit dhe të Mediave për ligjin e Arsimit të Lartë.
Kujtojmë që pedagogët kanë bojkotuar mësimin prej ditësh tashmë, ku nuk tërhiqen nga qëndrimi i tyre kundër Ligjit të Arsimit të Lartë.
Pedagogu Mark Marku ka deklaruar se ka presione ndaj pedagogëve, por kjo nuk i pengon ata në kauzën e tyre. Ai tha se numri i vogël i pedagogëve nuk duhet të merret si problem pasi sesi i kësaj çështjeje ka të bëjë me përfaqësimin.
“Nuk është se nuk kishte pjesëmarrje të madhe. E para është koha e mësimit, sepse është ditë e hënë. Nuk na intereson shumica, por përfaqësia. Nuk luftojmë për numra. Ka presione nga pedagogët në disa fakultete. Ka presione, por unë nuk mundoj se pedagogët frikësohen. U diskutua për një formë të angazhimit sindikal. Në thelb ajo se çfarë duhet të kërkohet është që të përfaqësojë interesat e pedagogëve”, tha mes tjerash pedagogu, Mark Marku.
(BalkanWeb)