Misioni I kombëtares së Shqipërisë për vendin e parë në grupin 4 të Ligës C në Nations League kalon nga dy “finalet” e fundit. Si fillim, përfaqësuesja kuqezi duhet të kalojë sot në sfidën e orës 18:00 në “Air Albania” rivalët e Kazakistanit, për të luajtur “letrën” e fundit të mërkurën, po në shtëpi kundër Bjellorusisë.

Deri atëherë ka kohë, ndërsa Edi Rejas dhe të besuarve të tij nuk i lejohen hapat fals në përballjen e sotme. Tekniku dhe kuqezinjtë e dinë mirë këtë. Për këtë arsye, të gjitha përgatitjet janë bërë në funksion të fitores. Kjo konfirmohet edhe nga formacioni që ka projektuar Reja dhe që pritet ta konfirmojë përpara ndeshjes.

Kështu, përpara Berishës në portë, do të rreshtohen në mbrojtjen me tre, Ismajli, Gjimshiti dhe Veseli. Pas një mungese të gjatë me shumë mundësi do të kthehet Memushaj, teksa mesfusha plotësohet me Gjasulën dhe Abrashin, përvecëse Hysaj dhe Doka në krah. Cikalleshi po ashtu pritet të luajë titullar, ndërsa në balotazh janë Uzuni dhe Manaj, me të parin më të favorizuar për fanelën e titullarit.
(balkanweb)