Sipas politologut Roland Lami dita e sotme me seancën plenare prodhoi një akt të fortë politik: Zyrtarizimi i ftohjes së marrëdhënieve PD-LSI. I ftuar në emisionin “Real Story” me gazetarin Sokol Balla, ai tha se sot Basha i ka shtuar një hall më shumë vetës duke i hapur një front lufte me LSI. Ndërkohë sa i përket ish-kryeministrit Berisha ai tha se do të shohim nëse ai do të kalojë nga fjala tek akti.
“Në tërësi pikënisja është tek akti. Sot ishte në tërësi një manifestim sjelljes dhe jo akte të forta. Kishte vetëm një akt të fortë politik. Akti i fortë politik sot zyrtarizohet ftohja, i ndarjes i marrëdhënies me LSI. Aktrimin shumë mirë e solli e majta. Sot kishte një shqetësim të madh për të pasur vëmendje ndaj LSI. Lulzim Basha sot i shton një hall më shumë vetes duke hapur një front lufte me LSI. Është kaq e fortë PD me Bashën që t’ia sigurojë këtë luks vetes? Akti i dytë zyrtar është që a do të kalojë Berisha nga fjala tek akti?”- tha ai.
Ndërkohë gazetari dhe analisti Ervis Iljazaj u shpreh se tashmë Lulzim Basha ka lidershipin e plotë të PD. Sipas tij nëse Basha nuk do ta merrte atë vendim do të izolonte veten, PD-në dhe marrëdhëniet me SHBA. Ndërkohë u shpreh me siguri se nëse Berisha kërkon postin e kryetarit të PD, nuk e merr dot.
“Unë gjykoj që parlamenti i sotëm ishte më i vërtetë se asnjëherë më parë. Lajmi kryesor është që PD nuk e ka çuar emrin e Berishës në Grupin Parlamentar. Për mua Basha ka lidershpin absolut në PD. Sot aleanca e sforcuar PD-LSI u kris dhe sot mbaron politika e Edi Ramës. Me largimin e Berishës Rama nuk ka më politikë. Ai është i detyruar t’i kthehet qeverisjes. Lulzim Basha nuk e ka marrë këtë vendim për interesat e tij personale, por nuk e ka bërë për betejën mes tij dhe Berishës. Kushdo që do të ishte në vendin e Bashës do të bënte të njëjtën gjë. Nëse nuk do ta bënte do të izolonte veten, PD-në, marrëdhëniet me SHBA dhe do të forconte më shumë Ramën. PD tani vjen në pushtet sepse votat i ka, partneritetin e SHBA. Kjo qeveri fitoi taktikisht dhe me mbështetjen e SHBA. Berisha nuk e fiton dot luftën ndaj Bashës. Ai po luan retorikën se partia më do dhe Basha më përjashtoi. Ai po bën një lloj martirizimi. Postin e kryetarit nuk e merr dot”- tha Iljazaj
(BalkanWeb)