Ka ankth të madh për mundësinë e vërshimit të lumit Pinio edhe në qytetin e Larisës pas stuhisë Daniel me informacionin e fundit të transmetuar se lartësia e nivelit të tij ka tejkaluar të gjitha të mëparshmet dhe ka arritur në 9.5 metra. Sasi uji vazhdojnë të rrjedhin drejt kryeqytetit të Thesalisë.

Por sipas parashikimeve, fenomeni Daniel zbutet nga dita e sotme, pasi dita do ketë reshje në zona të vendit, por pa intensitetin e dy ditëve të fundit. Natë e vështirë në fushën e Thesalias, me 8 fshatra rreth Kardhitsa të jenë zhdukur krejt nën ujë. Zjarrëfikësja informon se janë evakuuar 1.181 persona në zonat e prekura nga 6.406 telefonata për ndihmë.

Kryeministri Mitsotakis do të vizitojë fushën e Thesalias, në zonat ku Daniel ka shkaktuar katastrofë biblike. Deri tani 6 viktima, për 6 persona të humbur kanë bërë thirrje familjarët, por përmasat e situatës dramatike vihen re akoma dhe në deklaratat zyrtare ku theksohet se nuk dihet akoma numri i të humburve duke shtuar se janë me qindra personat e izoluar në çati dhe tarraca, pa ditur fatin e tyre, siç ka theksuar dhe guvernatori i Thesalias.

Në Larisa po kryhet një operacion urgjent për rrëzimin e barrierës përgjatë lumit Pineos, që do të lejojë zbrazjen e ujit pa dalë lumi nga shtrati e rrezikuar gjithë zonën me një tjetër përmbytje tragjike. Situata është dramatike, drejtuesit e pushtetit lokal shprehin frikën se nuk mjafton koha për shmangien e përmbytjes, pasi ujërat e shirave janë jashtë çdo parashikimi. Operacioni për evakuimin e të izoluarve vijon.

Në një pjesë të lagjes Agios Thomas, në qytetin e Larisës që është ngjitur me Pineo, uji ka mbuluar tashmë rrugë, oborre shtëpish, ndërsa nga makinat shihen vetëm çatitë.

Sipas profesorit të Gjeologjisë dhe Menaxhimit të Fatkeqësive Efthymio Lekka, i cili foli për ERT pak para orës 8 të mëngjesit, “duhet të jemi vigjilent për ndonjë zhvillim të jashtëzakonshëm”. Ai vlerësoi gjithashtu se problem do të ketë edhe në grykën e Pinionit, në Delta, ku vëllimi i madh i ujit do të largohet nga Egjeu.

Pak para orës 02:00 të mëngjesit të së hënës, një mesazh i ri është dërguar nga 112 për banorët e Farkadonës, ku Mbrojtja Civile u bën thirrje nëse janë në zonë të lëvizin në Grizano dhe nëse janë në zonat e Klokotos, Georganades dhe Petroporos të zhvendoset në Oichali për shkak të një vërshimi të mundshëm të lumit Pinios.

Banorët në lagjen Agios Thomas në Larisa janë ngritur në këmbë prej disa orësh, duke parë se rrjeti i kullimit të stuhive nuk mund të përgjigjet për shkak të nivelit të lartë të Pinios dhe niveli i ujit fillon të rritet në rrugët e qarkut, duke kërcënuar banesat dhe bizneset.

Në fakt, disa banorë lanë shtëpitë e tyre dhe u strehuan te të afërmit. Fenomene të ngjashme përmbytjesh shfaqen edhe në rrethe të tjera të Larisës.

Bashkia e Larisës flet për një 24 orë të vështira
Në një njoftim urgjent pak para mesnatës së së enjtes Bashkia e Larisës paralajmëron se situata e përmbytjeve në Thesali do të vazhdojë të paktën për një periudhë 24-orëshe.

Bashkia e Larisës vendosi edhe sot, e premte, 8 shtator dhe për arsye parandaluese, që kopshtet e Larisës të mos funksionojnë, për të kufizuar udhëtimet e panevojshme. Bashkia e Larisës është në gatishmëri dhe do të ketë përditësime të vazhdueshme për mënyrën sesi po lind situata.