Një ngjarje e rëndë ka ndodhur në verilindje të Londrës ditën e sotme pasi një burrë i armatosur me shpatë sulmoi disa persona, mes tyre edhe dy agjentë policie, dhe i mori jetën një 14-vjeçari. Fillimisht autori, i moshës 36 vjeç, përplasi automjetin në një shtëpi në Thurlow Gardens, përpara se të sulmonte me shpatë një numër njerëzish, tha policia pas arrestimit të tij.
Raportohet se katër persona kanë mbetur të plagosur, ndërsa adoleshenti nuk ka mundur t’i mbijetojë plagëve.
Kryeministri britanik Rishi Sunak e përshkroi atë si një “incident tronditës” dhe shtoi “mendimet e mia janë me të prekurit dhe familjet e tyre”. “Është një incident shokues. Dua të falënderoj shërbimet e emergjencës për reagimin dhe guximin e policisë në vendngjarje. Kjo dhunë nuk ka vend në rrugët tona”, reagoi kryeministri britanik, Rishi Sunak.
Kryetari i Bashkisë së Londrës Sadiq Khan tha: “Jam absolutisht i shkatërruar nga lajmet nga Hainault këtë mëngjes.
🚨BREAKING
Video of the attacker in Hainault this morning. He allegedly waited outside houses and attacked random residents. pic.twitter.com/VmaNvU1VOZ— Paul Golding (@GoldingBF) April 30, 2024
Policia Metropolitane njoftoi se fillimisht rreth orës 6:25 ishte lajmëruar për një makinë, e cila ishte përplasur me një shtëpi. Me të mbërritur, agresori u përball edhe me tre oficerë të policisë, duke i kërcënuar për t’i goditur ata me mjetin e tij prerës. Dy oficerë do i nënshtrohen ndërhyrjeve kirurgjikale për plagët e marra, por ata ndodhen jashtë rrezikut për jetën sikundër edhe dy qytetarët e tjerë.
Policia tha se ngjarje nuk kishte qëllime terroriste.
