Recetë nga znj Katerina
Përbërësit
1-2 pjepra
3-4 kivi
10-15 qershi
1-2 limona (cipë + lëng)
3-4 portokalle (lëngu)
2 fetëza xhinxhër
Përgatitja
Pastrojmë pjeprin, e presim në pjesë të vogla dhe e hedhim në blender, shtojmë lëngun e portokalleve, cipën dhe lëngun e limonëve. Masën e përgatitur në blender e hedhim në një enë qelqi dhe e vendosim në frigorifer për 2-3 orë.
Pastrojmë kivin dhe e presim dhe në fetëza dhe në kubikë të vegjël. Largojmë bërthamat e qershive pa u prishur formën dhe i vendosim të qendrojnë në frigorifer.
Pasi kremi i pjeprit të jetë ftohur shtojmë kivin, qershitë dhe xhinxhërën e grirë në rende. E servirim në gota të gjera ose në tasa të vegjël me gjethe nenexhiku ose borziloku.
(Vila24/BalkanWeb)