TIRANE- Tre persona të maskuar kanë grabitur një efektiv të Gardës së Republikës. Ngjarja mësohet se ka ndodhur tek Liqeni Artificial pranë traut në krahun e Fakultetit të Histori-Filologjisë.
Tre personat që dyshohet se kanë qenë të armatosur kanë kanosur dhe më pas i kanë marrë efektivit të gardës të gjitha paratë që kishte me vete.
Sipas burimeve zyrtare bëhet me dije se 30-vjeçari me inicialet G.D që prej 7 vitesh punon në gardë nuk ka pësuar dëmtime si pasojë e grabitjes.
(sp.koka/News24/BalkanWeb)