Një aksident automobilistik ka ndodhur rreth orës 12.30 në rrugën nacionale Fier-Shegan- Kuçovë.

Një automjet i tonazhit të rëndë( trajler) ka shkaktuar një aksident midis disa automjeteve. Dy automjete që ende nuk dihet sesi janë përplasur, mes tyre apo nga trajleri janë dëmtuar rëndë ndërsa një e re ka përfunduar në spital me dëmtime të konsiderueshme.

Ambulanca e thirrur ka marrë me urgjencë drejtuesen e një prej automjeteve për t’a transportuar në Spitalin e Lushnjes. Automjeti i të dëmtuarës është përplasur me shtyllën e tensionit të mesëm, ndërsa mjeti tjetër tip Audi ka dëme materiale.

Policia pasi ka mbërritur në vendngjarje ka nisur procedurat për zbardhjen e ngjarjes ndërkohë që kanë nisur kërkimin e trajlerit, i cili pasi ka shkaktuar aksidentin është larguar nga vendngjarja.

Priten detaje të tjera për zbardhjen e dinamikës së këtij aksidenti në këtë rrugë nacionale tepër të frekuentuar që lidh zonën e Kuçovës me Lushnje.