Të paktën tre persona u qëlluan për vdekje në një sulm me sa duket rastësor në një dyqan në Yakima, Uashington, herët në mëngjes të martën, teksa personi i armatosur vrapoi nëpër rrugë dhe u arratis me një automjet të vjedhur, thanë autoritetet.
Oficerët nga Departamenti i Policisë Yakima u thirrën rreth orës 3:30 të mëngjesit në një dyqan, Circle K në anën lindore të qytetit. Ata gjetën tre persona të vdekur brenda dhe jashtë dyqanit, tha shefi i policisë, Matthew Murray.
Pasi vrapoi nëpër rrugë, personi i armatosur qëlloi në një automjet duke kërcënuar shoferin dhe mori makinën e u largua. Departamenti i Policisë më vonë tha në Twitter se nuk kishte një viktimë të katërt në makinë.
Departamenti publikoi imazhet e kamerave të sigurisë të një njeriu që ata e përshkruan si “të dyshuarin e supozuar për vrasje” dhe të identifikuar si Jarid Haddock, 21 vjeç. Stacionet televizive lokale raportuan se policia kishte rrethuar një vendndodhje të lidhur me të dyshuarin.
Shefi Murray tha se të shtënat dukej se ishin të rastësishme dhe se nuk kishte konflikte të dukshme midis viktimave dhe personit të armatosur.
“Mashkulli sapo hyri brenda filloi të qëllonte”, tha ai.
Të shtënat shkaktuan paralajmërime në Yakima, një qytet me rreth 96,000 banorë në qendër të Uashingtonit, pasi autoritetet thanë se i dyshuari ishte në kërkim. Distrikti shkollor i East Valley urdhëroi që nxënësit të mbaheshin brenda. Policia mbylli rrugët në zonë për disa orë.
Përfaqësuesi Dan Newhouse, një republikan, distrikti i të cilit përfshin Yakima, e quajti sulmin një “tragjedi të tmerrshme” në Twitter dhe i kërkoi komunitetit “të qëndrojë vigjilent”.
