Në harkun e 11 ditëve të muajit të kaluar, trupat e katër të rinjve, duke përfshirë gjetjen e skeleteve të mbetura të dy viktimave që ishin zhdukur prej 4 muajsh, janë gjetur në oborret e shtëpive dhe në zonat e pyllëzuara përreth Long Island në New York.
Policia e shtetit të Suffolk nuk ka bërë të ditur ndonjë arrestim mbi vrasjet misterioze, të cilat kanë tronditur komunitetin, raporton CNN.
Komisioneri i policisë, Timothy Sini, tha të hënën se ngjarjet janë një tregues i “përfshirjes së bandave kriminale” që kanë vrarë katër fëmijët në mënyrë misterioze por nuk pranoi të japë hollësi.
Nisa Mickens, 15 vjec; Kayla Cuevas, 16 vjec; Oscar Acosta, 19 vjec, dhe Miguel Garcia-Moran, 15 vjec, shkonin të gjithë në të njëjtën shkollë në Brentwood, një komunitet i klasës punëtore rreth 45 milje në lindje të Nju Jorkut.
Shenja e parë e tragjedisë erdhi kur një kalimtar gjeti trupin e Mickens në një rrugë Brentwood më 13 shtator, në prag të ditëlindjes së saj të 16-të, sipas Sini.
Një ditë më pas, trupi i 16-vjeçares Cuevas, e cila ishte shoqja më e mirë Mickens është zbuluar në oborrin e një shtëpie aty pranë, pasi të dyja kishin shkuar për një shëtitje një natë më parë.
Sini tha se dy vajzat ishin së bashku, kur u sulmuan. Autoritetet kanë ofruar një shpërblim 15,000 dollarësh për informacionin që shpie në arrestimin vrasesve.
(m.k/BalkanWeb)
